Gervigras verður lagt á Ólafsvíkurvöll í haust en Jónas Gestur Jónasson, formaður knattspyrnudeildar Víkings Ólafsvíkur, staðfesti þetta við mbl.is um helgina.
Grasvöllurinn í Ólafsvík verður tekinn upp í haust, strax eftir síðasta heimaleik Víkings gegn FH þann 24. september.
Grasvöllurinn í Ólafsvík verður tekinn upp í haust, strax eftir síðasta heimaleik Víkings gegn FH þann 24. september.
Gervigras verður lagt á völlinn og Víkingur spilar því heimaleiki sína á gervigrasi næsta sumar.
Jónas sagðist í samtali við mbl.is vonast til þess að völlurinn yrði tilbúinn til notkunar í maí 2018, eða um það leyti sem Íslandsmótið hefst.
Lengi hefur verið kallað eftir betri vetraraðstöðu fyrir fótboltann í Ólafsvík en gervigrasið ætti að hjálpa til við að leysa þann vanda.
Í efstu tveimur deildum karla spila Stjarnan, Valur, Grótta, Haukar, HK, Leiknir F. og Þróttur R. heimaleiki sína á gervigrasi í dag. Ólafsvíkingar bætast nú í hópinn næsta sumar.
Athugasemdir